Re: forum in diaeto!!!!

[Sofy]

huhuhu....oe! mucho gusto....aaaaa ostreghetta cossa che me tocca sentir! maria vercoea! comunque...'vara giulia che se te parli ancora mae de Erri Poter no te parlo pì, o mejo, te parlo ancora manco de desso!! huhu no dei che scherso. ben ciò. ma come mai chealtri no i vien su sto forum? no i sa cossa che i se perde. ma deeei, che i se dae na mossa!!
Leo gheto un libro da consijarme? parchè no savaria proprio cossa lèdar...ma no roba strana!
bon desso vao. un basotto grosso grosso a tutti

[Leo]

Dirìa anca mi che sarìa ora ca se fassa védare qualcuni altri so 'sto forum... no simo mia solche noialtri a saper scrivare en diaeto... par esempio go sentìo pì de na volta xente come la Donata parlare nea nostra lengoa veneta... i podarìa contribuire aea discussion, dirìa mi, ma no vojo costringere nissuni.
La Sofia 'a voe ca ghe consije on libro. Forse te podarìa piaxère "La lingua salvata" ("Die grettete Zunge") de Elias Canetti, ma no ghe giurarìa mia, parché 'l xe on tomasso e xe pien de descrissioni e discursi filosofissi. Comunque podarìa pensarghe... te dixarò mejo.

[Sofy]

Dirìa anca mi che sarìa ora ca se fassa védare qualcuni altri so 'sto forum... no simo mia solche noialtri a saper scrivare en diaeto... par esempio go sentìo pì de na volta xente come la Donata parlare nea nostra lengoa veneta... i podarìa contribuire aea discussion, dirìa mi, ma no vojo costringere nissuni.
La Sofia 'a voe ca ghe consije on libro. Forse te podarìa piaxère "La lingua salvata" ("Die grettete Zunge") de Elias Canetti, ma no ghe giurarìa mia, parché 'l xe on tomasso e xe pien de descrissioni e discursi filosofissi. Comunque podarìa pensarghe... te dixarò mejo.

bon, grassie tante leo....te me diserè mejo. comunque go letto il mondo di Sofia e el me xe piasuo...xeo de quel genare là?
saeudi. bai bai

[bertonc]

Ma che libri sbolsi lesio????

[Sofy]

aa tosi...go da contarve questa: ghe go fatto vedar el compito de greco a me pare e ghe go leto a frase da tradusar e quando go dito: ton ton thermopulon heroon, el me ga dito:" ah, ton ton, come I GA 'IGA' I GAI! huhu...vabè
cmq giulia no i xe par niente libri sbolsi!!! gheto finio de ledar mille splendidi soli? come te pareo? par mi el xe proprio beo
se vedemo. un baso a tutti visto che xe san Vaentin. però xe proprio da vergognarse...ghemo do tosi in sta classe e no i ce porta nè a mimosa par a festa dea donna, nè a rosa a san vaentin...baaah
ciao da novo. bai bai

[Leo]

Cossa gavarissimo 'a fare par ti, a San Vaentìn, ciò? Portarve fiuri e tute chee robe là ca se spende schei, che poi ghe xe anca da dire che no me pare ca simo 'namurà né naltri de voaltre né valtre de noaltri, a meno che valtre no ne tegnì sconte 'e robe, ma no sarìa mia na roba tanto furba, ciò. No go mai conossesto nissuni ca gàbia catà la morosa el dì de san Vaentìn. Ciò.
Comunque la lingua salvata no xe mia on libro sol xènare del mondo de Sofia: se na spesse de autobiografìa de l'autore, ch'el conta come che ga vissùo da bocia e come che ga tacà piaxerghe lexare e che ga ciapà gusto a scrivare... in qualche punto al xe anca divertente, ciò!

[Giuli]

ciò tusi?!?!? simo en tel forum in diaeto e me parlè de libri?? ma simo neanca mati?? non xe mia el luogo adato savì?!! qua xe parla solo dell'orto, dee vache, dei mas-ci, de roba de campagna insoma... non stasimo mia fare i leterati qua che nun ghi importa a nesuni...'ndasì sue sesion aposta... che poi me vien mal de testa e savì che non sto mia tanto ben...bon dai...ve go roto i maroni anche stavolta...xe vedemo presto spero!! basetti.. anche dai me mas-cetti...

p.s. viva el San Valentin da soli!! mejo soli che mal acompagnati!! co tuti i stronsi che ghe xe in giro...

[Sofy]

ciò tusi?!?!? simo en tel forum in diaeto e me parlè de libri?? ma simo neanca mati?? non xe mia el luogo adato savì?!! qua xe parla solo dell'orto, dee vache, dei mas-ci, de roba de campagna insoma... non stasimo mia fare i leterati qua che nun ghi importa a nesuni...'ndasì sue sesion aposta... che poi me vien mal de testa e savì che non sto mia tanto ben...bon dai...ve go roto i maroni anche stavolta...xe vedemo presto spero!! basetti.. anche dai me mas-cetti...

p.s. viva el San Valentin da soli!! mejo soli che mal acompagnati!! co tuti i stronsi che ghe xe in giro...

giusto! ghe xe anca massa strunsi...
cmq pa a roba de san vaentin....go dito cossitta par dire...so che voialtri no se come quei de quealtre classi, che porta ciocoeatini par tutte e adiritura fiuri. Vabè, no o so cossa che me spetavo. Ma doman se fa festa.

[Leo]

Ciò, tuxi, xe proprio on bel tocheteo che nissuni scrive! No va mia ben, savio, bixon scrivare e scambiarse idee altrimenti 'e idee ciascuni i se 'e tien 'rento e po no ghe xe pì ocasion de scrivare so sto nostro bel diaeto. Faxìve vedare, cari! Saeudi da mi

[Isa]

perchè nessuno scrive da così tanto tempo?????

[Leo]

Mi no scrivo da cussì tanto tempo parché findesso l'ultimo messajo de quasi tuti i forum xera mio, e xe anca ridicolo continuare scrivare da solo co nissuni che me risponde, digo ben? Serchemo de catar fora qualche antro argomento de conversassion. Forsa tuxi! Go capìo che sì morti de sono, ma faxì on sforso!

[Giuli]

perchè nessuno scrive da così tanto tempo?????

eco.. parchè la me "zwillinge" non a scrive in diaeto?? voria tanto saverlo... varda che non te parlo pi, gheto capio?? aora.. par rispondare a leo.. voialtri, se mai gavarì dei fioi, ve piasaria insegnarghe el diaeto veneto (che poi anca in veneto ghe xe tanti diaeti, basta sentire a diferensa fra mi e a sofia, par esempio..!) in sta società dove non el se usa pi se non in fameja??? mi no!!! parchè ormai el xe proprio limitato...e fra un pochi de decenni nessuno lo parlarà pi.. speta che mora i nostri noni e genitori (speremo pi tardi che mai!!), ma oltre che co lori mi no parlo diaeto!!
a voialtri... rispondime...
basetti
giuli

[Sofy]

mi son proprio del stesso parer dea giulia. el diaeto xe a prima lengua che go imparà e stasì sicuri che continuerò a parlarlo, ancha se jente come a francesca santi dixe che'l xe da boarotti. w el diaeto!

[Isa]

parchè la me "zwillinge" non a scrive in diaeto?? voria tanto saverlo...

perchè non so parlarlo bene, lo capisco soltanto....e poi non so nemmeno scriverlo....qualcuno mi sa dire perchè adesso il forum è viola mentre fino a qualche gg fa era rosso?!

[Isa]

LEOOOOOOOOOOOOOOOOOOOO!!!!!!!!!!!!!!!!!!!!!!!!!!!!!!! ti ho visto oggi in piazza k suonavi con la banda! Complimenti

[Giuli]

cioè, ma aora parlo proprio par casso??? zwillinge gonti da bandirte da sto forum se non te inisi a parlar in diaeto..?? non va mia ben cusita... e comunque l'è vioa parchè go deciso de cambiare un pocheto..e poi el me piase de pi vioa che roso..o no?? gonti da cambiare ancora??? varda ben de scrivare in diaeto da deso in poi parchè se no non te vojo pi come visina de banco... el xe l'unico momento in cui te ghe da parlar diaeto, non importa se te fe qualche erore...leo el xe l'unico che l'è bon scrivare giusto anca in diaeto.. ma chissenefrega.!!! basta che se capimo.. va ben???

[Leo]

Grassie pai complimenti sperando ca i sipia meritai. Parò xe vero ca te ghe da parlar diaeto, almanco so 'sto foro! Parlito 'tajan ? Benisimo, te te verxi on altro foro indove che la xente parla 'tajan o te ve so uno de chij tanti che ghe xe xa.
Go 'a dire ca 'a Giulia 'a ga fato proprio ben a cambiar el coeore del foro, ma mi ghin'avaria selto uno un poco pì virie... go capìò ca sì tute femene, ma ghe so anca mi... e ghe xe anca Xela, anca se s'in stà sconto e no'l se fa védare.

[Leo]

Comunque voevo dir n'antra roba par risponderghe a on messajo vecio dea Giulia: mi sì che ghe insegnarò el diaeto ai me fiui! Sito mia mata? Vuto ca 'sta ricchessa dei nostri paesi a vaga perdùa? Xe vèro ca no se poe parlare sempre diaeto (pa' esempio te vurìa védare a parlar de leteratura en diaeto, col romantisismo e il risorximento), parò par parlare de serte robe el xe perfeto.
Par dirte, mi onco' go finìo de vangare l'orto e doman, visto ca Sgarbossa me ga dito che xe òra de semenare i bisi, semenarò i bisi. Bisoria parò ca doman matina mandasse me mama a comperare 'e semente, ca da l'ano passà no ghin'emo vansà gnanca uno.
Saeudi da mi

[Leo]

Go semenà i bisi, e anca i ravanei e 'e teguine, anca se sarìa un fiantìn massa presto. Vedaremo cossa ca vien fora! A ogni modo ve tegnarò aggiornai son cheo che capita in te'l me orto, visto ca ve vedo cussita interessai.

[Giuli]

anca no, grassie!! anca me nona e me papà i se ga meso ancò a vangare l'orto e me papà el voeva anca semenare qualcosa, ma me nona a ga dito che xe troppo presto.. mi no ghin capiso un casso.. me despiase ma no so fata pa star in meso a a tera!! me basta magnare..e no me piase gnanca tanto e verdure!! cambiando discorso... quanto ben se sta in vacansa?? so drio rilasarme... stamattina so 'ndata tore un poche se brioches e so 'ndata a far coasion da na me amica.. poi gavemo ciapà el soe...ciacolà...gavemo pransa insieme..'nadata marosteca a magnare un geato.. fato niente in sostansa!! XE STA FANTASTICO!! e go parfin scoperto che esiste l'albaro de pasqua.. co le colombee, i ovi, i useletti, i puldini.. me so scandaisà.. no credevo mia che anca a pasqua a fusse diventà cusita consumistica... e pasemo sto parolon non diaetale...
bon... vao a farme un giro... stasime ben.. se vedemo marti de sera co i tedeschi..
un baseto a tuti!
giuli
p.s. leo informace sul to orto.. me racomando!! te imagino sà col to bereto da orto, i stivai e che te fè il contadin!!

[Leo]

No go fato mia gnente 'nco' in te l'orto, a parte querxere la vanexa dei ravanei co' on toco de tea fina parché no ghe cressa 'e malerbe.
So d'acordo co' ti pae vacanse: ghe voeva proprio un puchi de dì libari, co' gnente 'a fare tuto el tempo. Mi so' drio finir de lexare un libro che... ma 'speta, te me gavevi proibìo de parlar de libri so sto' forum, xero drìo desmentegarme.
Saeudi! Ne vedimo marti de sera!

[Sofy]

oe jente! come vaea?
no davera leo gao da dirte ca me son sbajà sul semenare i bisi!! ghe vol a luna caeante, parchè senò e piante e vien su massa! o go leto 'ncò sul caendario de me nona...poro sgarbi ca'l ga semerà i bisi co a luna crescente...poaretto
uncò el xe stato teribie! son 'ndata a farme i esami del sangue...pachè a me mama ghe xe saltà a baricoccola de portarme da a dottoressa (no in realtà par fare el certificato par orientiring)...comunque, i me ga spuncià e i me ga fato proprio mae e me pareva de morir disanguada...i me ga cavà 'na proveta e meda!!! che ladri! farabutti! e in pì go perso do ore e meda a far niente, finchè me mama xe ìndata a torme un giornae e go fato sudoku.
e dopo no a xe finia, parchè go fato anca e lastre pai denti...che rotura! a forsa de star fra i maeai me sento mae anca mi...
però, visto che so stata digiuna tutta a matina dopo so 'ndata a torme da brios aa marmeata e un capuccin...mmm che boni!
e dopo son 'ndata a far sciopping co me mama e ciò, no catavo un per de scarpe che me 'ndasse oh! sta quà xe a me giornata...interesante vèèèra? però go anca fato i compiti, 'vara che brava putea!
bon, se vedemo marti sèra! che beo!! ah, viva i uvi lindt! però quei al latte e co' a sorpresa

[Giuli]

bel dì sofi... mi invese continuo a no far niente.. anca se ieri sera me so mesa a far un poco de latin.. però poi me so rota e so 'ndata via.. tusi, go da driveo, ma mi go ancora da magnare un ovo!! e non go mia intension de magnarghine in realtà.. par carità che poi me ingraso..e poi no xe che vada mata pa i ovi de ciocolato... mejo i oveti picinici.. che in do secondi i xe finii...!!
bon... vao fare un pochi de compiti... che poi non go pi tempo... ve saudo e ve mando un baseto..
ciao tusi!!

[Leo]

Varda Sofia ca i bisi i va semenà in luna cressente, go vardà iera so'n libro ca go casa, xe scrito ca bison farlo poco dopo el primo quarto de luna vanti 'a Pasqua. E anca i faxui, e fave e i ravanei. Osito contradire quel che dixe Sgarbossa? Sia lodato Sgarbossa. ("Sempre sia lodato" te gavarissi 'a risponderme!)
In ogni modo, tose, che giornate ca passé! Par fortuna ca mi no go da fare 'e gare de orientirin, senò gavarìa anca mi 'a farme e anaisi del sangue che xe na rotura sopratuto parché gavarìa da pasare ore a 'spetare so 'na saea d'atesa in te l'ospedae de Sandrigo, coi vecioti che me scatara acanto. L'ultima volta i me ga cavà sie bussoloti de sangue! Ghe credito? Sie, ciò. Come uno no'l fusse d'avanso. E po dovarìa far la coda dal me dotòre, ca par visitare on maeà no ghe mete mai manco de mexa òra e in saea d'atesa ne catemo senpre en quindaxe, a scambiarne ociàe de compassion e a scoltare i veci che parla dei so maeani lexendo riviste de quindaxe ani fa.
Mi i compiti de latìn i go finii. Greco invesse no'i go gnancòra scomensiai. Chi xe ca ga voia de laorare so sti dì qua?
Gavìo mai visto che ghe xe anca Wikipedia en diaeto veneto? E anca in latìn, 'ndasì vardare ca xe interesante.
Ganca mi go gnancòra magnà uvi de Pasqua! Speto domenega e pasqueta. Viva la Lindt!

[Sofy]

sì gnanca mi no go gnancora magnà uvi...ma dopo fin majo no ghe a moerò pì.
comunque i esami del sangue no i me so fati par orientirin, ansi, vao a vedar i risultati su internet...eh i marchingegni de oncò...i te stupise sempre.
comunque go 'na certa sensasion che no ce cataremo mia in 40 domenega da mi...visti i ultimi tempi....
bon, ve saeudo. bona Pasqua! viva a lindt!

[Contenuto sponsorizzato]