Re: forum in diaeto!!!!

Giuli Dom Mar 23, 2008 9:24 pm

ben ciò, se passà anca sto dì.. no go mia magna tanto, ma me sento drio s-ciopare!!! e go magnà tanti oveti picoi dea lindt!! che boni mama mia...
no savaria mia sofi de domenega.. anca se ghe xe un poche de "incomprensioni" in clase, credo che se uno el sta casa o el va via pa i casi sui anca se gavemo organisà na roba pa stare tuti insieme, el xe proprio un puteo!! e poi ormai xe tuto stabilio.. quindi no credo mia.. spero almanco.. e poi no lo fasemo mia pa noialtri, ma pa i tedeschi.. mi so de sta opinion qua e me incasaria a dirla tuta se serta jente no a vien pa "quel" motivo.. vedaremo..
bon, va a riposarme un poco perchè go fato compiti fin deso, me manca soo na version de greco e metà dell'ultima de latin!! so stata brava ancò!! e so drio chiedarme dee robe de inglese o linguaggi.. no i ca mia dà na data de consegna... booo...
un baseto
giulia

Sofy Lun Mar 24, 2008 2:40 pm

varda che inglese el xe par sioba 27 e linguaggi par marti vanti vanti
oh mi no go capio e prime righe dea version de latino de alesandro e socrate...che xe che me dà na man? grasie tante. ciao

Leo Mar Mar 25, 2008 4:37 pm

So proprio stufo! Go pasà 'a matina a fare i compiti de greco! Xe el pegno da pagare pessarse divertii ièra... E po, no go capìo on tubo del filmato de Sgarbossa! In ogni caso sia lodato Sgarbossa (Sempre...).
Ne vedimo stasera! Saeudi

Giuli Mar Mar 25, 2008 4:38 pm

bravo el me leo.. te prego rispondame al messaggio privà... grasie!

Sofy Dom Apr 06, 2008 8:00 pm

nuooooo no posso credarghe! a giulia a xe drio cavarme el primato de mesaj inviai! go assoeutamente rifarme...!!
saeudi a tuttttti

Leo Lun Apr 07, 2008 7:12 pm

Me so' corto 'ndesso che ghe xe el numero de messaj inviai in te 'a lista dei utenti! Ah be, 'ndesso ca go visto ca me manca solche tri messaj par superare 'a Sofia a me do da fare.
Cambiando discorso, a so propio deluso dai bisi: noi xe gnancora nai, anca se i go semenà coa luna giusta e ghe go da' 'a bévare co ca i xera massa sichi. Me mama parò a dixe ca bison spetare e ca i nasse de securo... mah, vedaremo. Ve tegnarò aggiornai!

Giuli Lun Apr 07, 2008 9:05 pm

me me preocuparia leo.. no se mia normale..!! chissà cosa che te magnarè..!! mi invese go pena finio de puire a stala..che goduria!! un profumin de campagna.. altro ca el greco e el latin..all'agraria dovevo 'ndare!! saria sta pi sodisfatta!! aaaa....... quasi quasi ghe vao.. setu quanti bei tusi boaroti che conoso?? poi se metemo insieme, se sposemo, e vao a vivare in 'na bea fatoria, dove aro i campi, semeno, 'nafio, e poi tiro su!! e poi setu i me mas-ci...??? che bei... e le vache, i puldini, le arne.. poi me meto a fare a brava dona de casa.. ae 4 me svejo, vao mundare e vache, ae 5 coasion par tuti co la late fresca, pan fato in casa, biscoti, el miele, le marmelate de casa!! setu che beo?? poi el giro pai campi e pai animai.. a mezzodì se magna..e poi se sistema la casa, ancora pai campi e pai animai.. ala sera la cena.. magari go anca cusinà un bel dolse.. tuti insieme, se suga ae carte, davanti al fogo, se ride, se schersa.. saria proprio na bea vita!! bon... vao magnare... pig

da a vostra cara giulia che a xe drio pensare de cambiar vita..! pig

Leo Ven Apr 11, 2008 3:49 pm

A so propio dacordo co ti, cara 'a me Giulia. Te ghe rason: cossa stemo spacarne 'a testa soi libri, co che se podarìa far na bea vita de campagna? Metémo su casa co mas-ceti e fiui.
In ogni modo i bisi ga tacà nassere! Dovarissi congratularve tuti co' mi.

Sofy Ven Apr 11, 2008 9:48 pm

...ma bravo leo!

Giuli Ven Apr 11, 2008 9:55 pm

congratulasioni!

Leo Dom Apr 13, 2008 4:03 pm

Ah! Xe capità na desgrassia in te 'l me orto! Gaveo semenà do vanexe (una de coste, chealtra de basilico) e me mama che no s'in gavea corta ghe ga impiantà sora meansane e insaeada! Ma xe possibie, ciò? La xe proprio na desgrassia, desso nessarà il basiico in meso ae piante de insaeada e me tocarà tirarlo su e strapiantarlo so n'antra parte.

Giuli Dom Apr 13, 2008 4:12 pm

me despiase....

Leo Sab Apr 19, 2008 3:14 pm

Ah, no importa, me pare ca i sipia drio nassere istesso... Cossa vuto, xe tuto grassie a l'agua. Se in te 'a vera vien xo agua che'l basta, po 'e piante 'e vive ben par tuta l'istà. Se invesse ad Aprie xe seco, te ghe 'a starghe drio tuto l'inverno coea cana.
Bon ciò. Aah sì. Ve saeudo

Leo Sab Apr 19, 2008 3:21 pm

Go do novità importanti da dirve! La prima xe ca go superà la Sofia col numero de messaj inviai (da co che 'a me ga dito ca ghe xe el contatore go controeà ogni volta).
Seconda roba xe ca go savùo ca xe vero ca probabilmente l'ano che vien saremo in te 'a Sede sentrae! Il progetto xe de metare el trienio del Classico in tea Sede sentrae insieme col Tecnoeosico, e assare prime e seconde del Classico col trienio del Sentifico al Grassiani. Le quinte del Sosiae le va a finire al Grassiani, e le altre classi del sosiae i 'e mete al Sacro Cuore insieme col Linguistico.

Sofy Lun Set 08, 2008 1:12 pm

mbè seto cossa che te digo? che xe fasie aver pì interventi de mi parchè par un toco ve go abandonai parchè me sero proprio incasà, asemeo dire....ma desso son tornada e da oncò a me "Lejenda Personae" sarà superarte int'el numero de messaji! muahahahahahahahaha!!!!! son perfida, ahn?

Leo Gio Set 11, 2008 4:16 pm

Ma varda ti cossa ca me toca sentire! in tuti i casi no sarà mia possibie, romai go acumueà massa vantaxo in messaj inviai. Parò so' contento ca qualcheduni se meta da novo a scrivare su 'sto foro en diaeto! Gavarissimo a ciapare da novo a fare quii discorsi veci... tipo: mi xe vari dì ca no vao laorare in te l'orto, e xe cressùa un saco de erba... colpa de che'altri ca ne ga dà 'na carga de roba da fare pae vacanse...

Sofy Ven Set 12, 2008 1:57 am

'vara, no sta dirmeo a mi!....anca da mi xe un desprisio...ma no go l'ortesel, son na boarotta vegnua fora mae!
ma no! viva l'agraria e a vita alaria (tuto tacà) verta!

Leo Dom Set 14, 2008 7:56 pm

Ma sì! Senpre dito ca go sbajà scoea anca mi.

Sofy Mar Set 16, 2008 1:55 pm

muahahahaha

Sofy Mar Set 16, 2008 1:59 pm

oi complimenti leo par i dosento mesaji inviai!! ma tiente forte che desso rivo anca mi!!

Leo Ven Set 19, 2008 7:45 pm

Aah grassie, no me xero gnanca 'corto de ver superà i dosento messaj! No go tignù fede al me' proposito de tegner d'ocio el numero de messaj... Desso ca te te ghe messo a scrivere tutti i dì parò go da star tento a no farme superare! Varda ti... i problemi dea vita

Sofy Ven Set 19, 2008 9:32 pm

no se xe mai seguri! bisogna sempre vardarse ae spae, parchè el pericoeo el poe saltarte dosso in queunque momento....tipo uncò a ciapar a coriera...a xe sbucada fora a posser.... affraid

e a xera drio ciacoeare collauricoeare (tutto tacà)...sti strafanti de uncò...a cossa servirai?

Leo Ven Ott 17, 2008 7:22 pm

Ma varda ca te ghe propio rason: i ghi'n inventa una nova al dì, e, invesse de fare póche cose fate ben, i fa di chei strafanti ca i par messi su posta par romperse: cossita te ghe da comprarli novi ogni altro dì e butar via schei a pì no posso. No 'sta' parlarme po de chei tuxi ca no 'i ga gnente da fare tuto il dì e 'i passa el pomerijo al compiute! I fa su Internet che'e robe ca i ghe ciama i "forus" e i scrive cavoeade tuto il dì Very Happy

. Ma varda ti. Dove xe ca 'ndaremo a finire!

Sofy Ven Ott 17, 2008 10:54 pm

altro che noialtri pori veci! a cuciarse tuto el dì a tirar su erba dae 'ioe!
generasion da buttar! aa so' età 'ndavo al marcà mi mi soea a vendare semente!
ma cossa ghe insegnerai a scoea el dì de oncò? a scrivare a ledar? ...roba da preti de ani fa!

Leo Sab Ott 18, 2008 5:20 pm

Xe vèro cheo ca te disi, na volta sì ca le robe andava pa 'l so verso: pena uno stava in pie, i o mandava a laorare in te i campi e aea scoea se dixeva ciao... Ma seto ca desso i tuxi i xe obligai a 'ndar scoea fin ca no i ga sedexe ani? Par forsa ca el mondo va a catafascio!

Contenuto sponsorizzato